TERZA PAGINA presenta:
BIOGRAFIE
Mario Pudhu, nàschidu (1944) e fatu mannu in Illorai, pastore fintzas a degheoto annos, est laureadu in pedagogia, professore de líteras in s¹iscola média; de su 1974 istat in Santuanni Suérgiu ue triballat de su 1981.
Cristianu católicu pro costuma e cunversione, intrendhe in ruolu at rifiutadu de zurare fedeltade a sa Repúbbrica italiana; at fatu pulítica in su Movimentu de Su Pópulu Sardu, in su Partidu Sardu (PSd¹Az) e punnat pro una Sardigna indipendhente in su mundhu e in s¹Europa de oe. Dae tres legisladuras no votat prus a neune pro ndhe mandhare a su Parlamentu italianu.
Istudiosu de sa limba sarda, at pubbricadu su romanzu Alivertu (romanzu autobiogràficu,1986 ed. Golosti, 2004 Ed. Condaghes), sas poesias Pro chi líbbera torres e sias! (1991), su Ditzionàriu de sa limba e de sa cultura sarda (Condaghes 2000), Istória de limba sarda (Domus de Janas 2000), Totu su sardu (Condaghes, 2001) de crítigas e annuntas a sa LSU, at triballadu pro sa Proposta aperta connota coment¹e Limba de mesania, faghet letziones de e in limba sarda in Masters e cursos de làurea in s¹Universidade de Castedhu e si Deus cheret at a pubbricare a presse sa grammàtica chi est preparendhe de totu su sardu.
