Manifestu ra puisia siciliana
ri Fabio Messina
A puisia nasci e nesci ri l’anima, è sacra ppi chistu e nun si po’ viulintari rinnennula schiava ri mettrica, reguli, metudi. Unu a scrivi ppi dari sfocu a l’anima, o ppi rinnirisi cunzapevuli ri na cosa ca sta campannu, ppi addivirtirisi a virilla, cantalla e recitalla ccu l’autri, ppi l’autri e ntra l’autri. Certi voti, po’ nasciri macari ppi nu scopu, comu na dedica o na canzuna ( r’amuri, ri ricurrenza, ri scopu sociali, ppi ririri, ppi chianciri, ppi mettiri in luci na cosa bella, nu tramontu, un picciriddu, na situazioni…. ).
Unu ca scrivi puisii nunn’è pueta, ma servu ra puisia, è sulu nu tramiti ppi mettiri in luci a vrità e dunchi nun s’ha pigghiari pena ca chiddu ca scrivi piaci o nun piaci e “nobili” ra littiratura” e ra “critica”. Nunn’avi bisognu ri essiri u primu, u megghiu scritturi i puisia, ma sulu ri essiri u primu servu re’ palori ca scinnunu a menzu a l’omini ro cielu e nta terra, matri ca ni criau a tutti ppi essiri i stissi e nta paci.
A puisia siciliana poi è pupulari supra a ogni cosa e quinni a stari a menzu a genti ; e nun po’ essiri pajata ccu sordi , eccezzioni fatta nto casu ri pigghiari i spisi. A puisia, infatti, runa già a ccu la scrivi e a ccu ascuta, appagamentu a l’anima…
Quannu na puisia piaci, è picchì l’anima ri cu la scrissi, nta ddu mumentu, era na cosa sula ccu l’anima ro munnu o almenu ccu la vibrazzioni ri nu gruppu ri pirsuni ca crirunu o penzanu o prejanu o virunu a stissa cosa nta stissa manera…
A puisia è figghia ra vita e macari ca qualchi vota po’ cantari la morti, nasci o sirvizziu ri la vita e ni la vita si sciogghi comu nivi o suli.
Lassàti ca u munnu si inchi ri puisia e allura, sulu allura, sarà l’Umanità nta giusta via….
Modica, 22 Aprili ro 2006
MANIFESTO della POESIA SICILIANA di FABIO MESSINA
La poesia nasce ed esce dall’anima, è sacra per questo e non si può violentare rendendola schiava di metrica, regole,metodi. Uno la scrive per dare sfogo all’anima, o per rendersi consapevole di una cosa che sta vivendo, per divertirsi a vederla, cantarla, recitarla con gli altri, per gli altri e tra gli altri. Certe volte, può nascere anche per uno scopo, come una dedica o una canzone ( d’amore, di ricorrenza, di scopo sociale, per ridere, per piangere, per mettere in luce una cosa bella, un tramonto, un bambino, una situazione…. ).
Uno che scrive poesie non è poeta, ma servo della poesia, è solo un tramite per mettere in luce la verità e dunque non si deve prendere pena che quello che scrive piace o non piace ai “nobili” della letteratura e della “critica”. Non ha bisogno di essere il primo, il migliore scrittore di poesia, ma solo di essere il primo servo delle parole che scendono in mezzo agli uomini dal cielo e nella terra, madre che ci ha creati a tutti per essere gli stessi e nella pace.
La poesia siciliana poi è popolare sopra ad ogni cosa e quindi deve stare in mezzo alla gente; e non può essere pagata con soldi, eccezion fatta nel caso di prenderci le spese. La poesia infatti dà già a chi la scrive e a chi l’ascolta, appagamento all’anima….
Quando una poesia piace, è perché l’anima di chi l’ha scritto, in quel momento, era una cosa sola con l’Anima del mondo o almeno con la vibrazione di un gruppo di persone che credono o pensano o pregano o vedono la stessa cosa nello stesso modo…
La poesia è figlia della vita e anche se qualche volta può cantare la morte, nasce al servizio della vita e nella vita si scioglie come neve al sole.
Lasciate che il mondo si riempia di poesia e allora, solo allora, sarà l’Umanità nella giusta via…
