Rosa d'amuri
di Settimo Martorano
Rosa maiulina e prufumata,
si la biddhizza di lu me iardinu;
tantu ciaurusa quannu si sbucciata,
a la lapuzza fai lu meli finu.
Pi ogni fimmineddha 'nnamurata,
tu, prufumatu fai lu so' caminu,
ca appitturata di lu to' culuri
dopu la notti china di risinu,
d'intra lu pettu batti cu rumuri
lu curiceddhu chinu di l'Amuri.
Settimo Martorano
Sortino
